BALIBO, STLTIMORLESTE.com – Komemorasaun aniversariu ba dala 50 Balibo Five ba matebian jornalista nain 5 hanesan Greg Shackleton, Gary Cunningham, Tony Stewart, Malcolm Rennie no Brian Peters neebe aten barani no dedika aan ba lialoos, tinan osan mean selebra hamutuk ho matebian nain 5 nia familia iha Balibo, Evan Shackleton, Greg Shackleton nia oan mane.
“Ohin Atividades Balibo Five ba dala 50, komemora mos ita nia Independente ba dala 50. Ita hotu hatene, iha nia signifikadu istoriku teb-tebes ba iha Timor Leste (TL) tomak, espesial ba kolega jornalista foin sae sira tanba ita nia jornalista nain 5 neebe fo sira nia aan mate, hodi defende liberdade, lialoos no dalan loos, sira la konsge fila ba Sira nia familia. Ohin ita komemora tinan 50 Balibo Five ho sira nia familia,” dehan Sekretariu Estadu Komunikasaun Sosial (SEKOMS), Expedito Dias Ximenes ba jornalista sira iha Balibo, Kuarta (16/10/2025).
Iha Balibo, Estadu Rekonhese momentum istoriku, Sidade Liberdade Imprensa.
Nia dehan, Komemorasaun loron Balibo Five ba dala 50 no loron Liberdade Imprensa ba Dala 3 tinan 2025 partisipa husi Prezidente da Republika (PR), José Ramos Horta, hatudu katak loron Ida nee momentum istoriku importante teb-tebes ba Povu Timor Leste (TL) laran tomak, tanba Jornalista nain 5 nee, fo Sira Nia Aan tomak, husik Sira Nia familia hodi defende Ita Nia Liberdade, fo informasaun, Lialoos ba iha mundu.
“Governu Liu husi Sekretáriu Estadu Komunikasaun Sosial (SEKOMS), halo atividades hamutuk ho Konselhu Imprensa Timor Leste (KI-TL), halo durante loron 5 Nia laran, halo Fenita produtu lokal, Halo interkambiu ho Jornalista sira husi Radio Komunidade, halo mos diskusaun ho Jornalista sira, organizasaun Jornalista Sira hamutuk ho KI-TL, halo mos programa governu rona Liu husi Meet the Press no ohin mos hanesan loron Liberdade Imprensa ba Ita Nia Rai TL,” dehan Nia.
Iha Biban nee SEKOMS husu ba jornalista sira hotu, Jornalista foin sae no Joventude, atu hamutuk komemora tinan 50, fo espritu barani, halo serbisu jornalistiku sai hanesan mensajeiru no sai misionariu, lori mensajen neebe ke Diak, hodi defende lialoos, dalan loos iha serbisu Jornalistiku nian loron-loron.
Iha oportunidade hanesan, Jestor Postu administrativu Balibo, Casímiro dos Santos hatoo sentimentu orgulhu ba Sekretaria Estadu Komuikasaun Sosial (SEKOMS) no Konselhu Imprensa (KI) tanba kada tinan komemora loron trajedia Balibo Five ba jornalista nain 5 Nia mate defende lia loos iha Timor Leste (TL).
“Hau sente orgulhu tamba Komemorasaun tinan 50 trajedia Balibo Five, fanu ita relembra fila fali Jornalista Nain 5 neebe mak Mate iha Balibo Five, iha loron 17 Outubro tinan 1975, hau Senti orgulhu tanba tinan-tinan Sekretariu Estadu Estado komunikasaun Sosial nomos Konselhu Imprensa Timor Leste (KI-TL) sempre komemora loron Balibo Five, ita hotu fo ondra ba sira tanba sira luta ba lia loos,” dehan Jestor Administrador Postu Administrativu Balibo, Casímiro dos Santos ba jornalista sira iha Balibo, hafoin inaugura radio Komunidade Fronteira Balibo Five.
Casimiro haktuir, molok komemorasaun Balibo Five ba dala 50 nee, SEKOMS ho KI realiza ona reuniaun ho autoridade postu Balibo, ohin hatudu rezultadu neebe diak tebes, komunidade Balibo sente haksolok no sente katak loron nee nain ba Balibo-oan liu-liu populasaun munisipiu Bobonaro tomak.
Jornalista: Joseph Koa
Editor: Joseph Koa
