DILI, STLTIMORLESTE.com – Komemorasaun loron Proklamasaun Independensia ba dala 49, Prezidente Parlamentu Nasional (PPN), Maria Fernand Lay husu Timoroan nafatin hamutuk lori rai nee ba oin.
Prezidente Parlamentu Nasionál, Maria Fernanda Lay hatoo kestaun nee ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Bairo Pite, Segunda nee (25/11/2025).
“Hau hanoin aniversariu ita nia independensia, hau nia mensajen ba povu tomak mai ita hotu-hotu hanesan Timoroan tenke moris hamutuk atu benefisiu ita nia rai ninian no bele lori dezenvolvimentu,” katak PPN.
Nia hatete, bainhira Timoroan laiha unidade, moris iha violensia nia laran, investor sira mos tauk atu mai halo investimentu iha rai laran, tanba nee mak presiza unidade no establidade iha rai laran.
Iha biban nee, PPN husu ba Timoroan hotu nafatin iha unidade hahu husi rai laran nomos ho Timoroan sira iha rai liur, presiza unidade hamutuk hodi lori rai no povu nee moris hakmatek no prosperu.
(eme)
