LAUTEM, STLTIMORLESTE.com – Komemorasaun Loron Restaurasaun Independensia ba dala 23 Iha Munisipiu Lautem hetan segurasan masimu husi FALINTIL- Forsa Defeza Timor Leste (F-FDTL) ho Polísia Nasionál Timor Leste (PNTL).
Nia dehan, Komando PNTL Munisipiu Lautem seguransa ba komemorasaun Loron Restaurasaun Independénsia ba 23, Komando PNTL Munisipiu Lautem nia preparasaun seguransa nee lao diak.
“Komando PNTL Munisípiu Lautem mai seguransa hahu inisiu ba abertura nian too agora ita insera Bendeira situasan hotu-hotu lao diak,” hatete Komandante Polisia Nasional Timor-Leste (PNTL) Munisipiu Lautem, Superintendente Polisia João da Costa ba jornalista sira sira wanhira komemora loron Restaurasaun Independensia iha Postu Administrativu Lautem, Munisipiu Lautem, Tersa (20/05/2025).
Nia tenik, Membru PNTL husi Komando PNTL Munisipiu Lautem hamutuk ho membru F-FDTL fo seguransa ba Komemora Loron Restaurasaun Indepedensia nian lao ho diak.
“Ita garante hela seguransa husi inisiu too insera Bendeira nee lao diak, tanba hetan apoiu segurasan husi Membru F-FDTL hamutuk ho Membru PNTL,” nia deklara.
Iha fatin ketak, Komunidade Alberico da Costa deklara, povu Lautem halao selebra loron Restorasaun independensia ba dala 23, ho situasan neebe hakmatek ho paz no dame, tanba hetan seguransa masimu husi Membru PNTL nomos F-FDTL.
“Ita realiza Loron Restaurasaun independensia ba dala 23, povu hakmatek ho pas no dame, tanba parabens ba ita hotu neebe ohin selebra loron Restaurasaun Indepedensia ida nee, tanba loron mos importante ba povu no rai ida nee hodi hanoin fila-fali ba loron neebe importante nee,” nia afirma.
(jen)
