DILI, STLTIMORLESTE.com – Parlamentu Nasional liu husi Komisaun B neebe trata asuntu Negosiu Estranjeiru, Defeza no Seguransa preokupa ho ema deskonhesidu balun neebe tuda rahun karreta operasional husi Eletrisidade Timor Leste Empreza Publika (EDTL.EP) wainhira halo hela servisu iha terenu Munisipiu Kovalima.
Prezidente Komisaun B neebe trata asuntu Negosiu Estranjeiru, Defeza no Seguransa, Deputadu Domingos Augosto Deker katak, nia parte seidauk simu informasaun ligadu ba akontese nee, maibe nia husu ba Komando PNTL Munisipiu Kovalima atu buka tuir autor prinsipal hodi prosesa tuir lei neebe mak iha.
“Sim, PNTL hanesan instituisaun ida neebe mak responsavel ba pas no estabilidade atu garante lei no orden, hakarak ga lakohi husu nafatin ba sira atu deteta no kaer autor prinsipal sira hodi prosesa tuir lei neebe mak iha,” hatete nia ba jornalista sira iha resintu PN, Tersa (15/10/2024)
Nia hatutan, aktu sira hanesan nee labele tolera, tanba nee polisia tenki buka tuir lalais autor sira nee hodi responsabiliza nia aktu hodi prosesa tuir lei neebe mak iha.
(alb)
