DILI, STLTIMORLESTE.com – Durante nee husi Komisaun Anti Korupsaun (KAK) identifika katak, iha kompanhia hamutuk atus ida haat nulu resin hitu (147) mak abandona hela projetu iha kapital Dili, munisipiu sira inklui Rejiaun Administrativu Espesial Oecusse Ambeno (RAEOA).
Kestaun nee hatoo husi Adjuntu Prevensaun no Sensebilzasaun KAK, Rosário Salsinha Araujo ba jornalista sira, iha Salaun Ministeriu Justisa, Dili, Kinta (04/12/2025).
“Besik atus ida haat nulu resin hitu (147), projeitu sira nee halao kuaze iha munisipiu hotu, no ikus liu maka ita nia Komisariu Adjuntu Operasaun halao hela iha Lospalos, kuaze hotu hotu halo ona inklui RAEOA,” dehan Rosário.
Nia hatutan, kona-ba prejuizu hirak sira seidauk konta, maibe atu hateten deit kuaze projetu hotu iha Munisipiu faila barak, prejensa KAK nian laos dudu buat hotu tenke lao, maibe lubuk ida lao. Ida nee la konta deit husi projeitu obras sira nian, konta mos ho projetu sira hanesan PNDS, hari eskola, merenda eskolar, projetu oin oin kona-ba estadu nian.
Projetu neebe barak liu hanesan RAEOA, kuaze adjudikasaun direita nee barak liu ema abandona barak, abandona tanba kompanhia sira nia kapital menus primeiru simu sira bele dehan halo buat hotu, maibe no fim sira dudu laba abandona ona. Tanba nee barak liu iha RAEOA, atende tiha kuaze haat nulu, maibe ikus mai agora mosu fali.
Rosário afirma, projetu abandonadu sira hahu husi tinan 2017 depois vagatura Komisariu nian Komisariu marka fali prejensa iha KAK, iha projetu lubuk ida iha Munisipiu hotu KAK tun fila fali ba liu husi despaisu Komisariu nian, ba iha Komisariu Adjuntu Investigasaun, Prevensaun fahe servisu lao ba munisipiu sira, lao ba hasoru malu ona ho kompanhia sira neebe responsabel ba projetu sira abandona iha Munisipiu inklui Dili.
Iha sorin seluk, Akademiku UNTL, Rafael de Jesus dehan, KAK labele nonok tenke kontrola projetu sira neebe iha.
“KAK labele nonok iha papel atu kontrola projetu sira neebe iha, tanba uza osan Estadu nian,” dehan nia.
Jornalista: Terezinha De Deus
Editora: Carme Ximenes
