DILI, STLTIMORLESTE.com – Kompanhia boot ho naran BRF iha mundu esporta produtu naan manu husi Brazil mai Timor Leste, hodi hasae nutrisaun ba labarik sira iha nasaun nee.
BRF, kompanhia ida neebe boot liu iha mundu, esporta ona nia produtu manu Sadia, Perdigao, Perdix no Borella husi Brazil ba TL durante tinan 15 liu, hodi halo nasaun Azia nian sai merkadu ida neebe importante liu iha rejiaun Pasifiku Sul. Atu selebra loron mundial ai-haan nian iha tinan 2024, BRF parseria parte interesada sira iha setor rnutrisaun ba atividade edukasaun iha eventu komunidade ida iha Kantina Matak.
Iha biban nee, Prezidente Republika Jose Ramos Horta ba jornalista sira iha Palasiu, Tersa (15/10/2024) hatete, ida nee inisiativa ida husi kompanhia Singapura neebe halo esportasaun manu Brazil nian, husi Brazil mai Singapura mai Timor Leste, ohin kompanhia halo hanesan promosaun ida, para haree mos hahan kualidade ba nutrisaun.
“Tanba nee, ida nee hanesan eventu oan ida, para hatudu tein nain sira iha Timorense, sira hatudu sira nian hahan neebe produtu Timor bele halo hodi diak ba saude. Ida nee laos primeiru ves, ita halo dala barak ona,” katak PR Horta.
Prezidente hatete, nutrisaun nuudar fokus importante ida ba Prezidente nia prezidensia no PR Horta estabelese ona Kantina Matak nuudar inisiativa pesoal ida atu fornese hahan neebe ekilibradu no saudavel ba labarik sira iha komunidade sira neebe haleu PR.
Nunee mos Kompanhia BRF Nia Jestaun Vendedor Gaven Low hatete, sente ondradu tebes hamutuk ho Prezidente Republika Jose Ramos Horta ho partisipante hotu iha loron mundial Ai-haan Mundial nia.
“Okaziaun importante tebes, tanba ida nee asegura katak labarik sira hotu asegura ba nutrisaun neebe sufisiente, BRF lori produtu sadia naan manu mai Timor Leste kleur ona, ohin loron mai hamutuk atu promove ai-haan neebe saudavel hamutuk,” katak nia.
Nia mos sente kontente lori labarik sira husi komunidade, nunee mos hamutuk ho estudante nutrisaun nomos hamutuk ho Xefe Timoroan hodi hatudu sira nia produtu sira neebe mak sei halo kompetisaun.
Nunee mos Lider ekipa MLO dapur, Carlota Freitas hatete, sente kontente hodi hola parte iha inisiativa husi BRF nee.
(eme)
