AMBENO, STLTIMORLESTE.com – Xefe Suku Kutete, Jose Antonio Bana ho povu Kutete, sente kontente no agradese ba kompanhia Toms Building, Lda neebe Normaliza provizoriu estrada kotu iha Bairu Sikone, Suku vizinhu Bobocase, Postu Administrativu Pantemakassar, Rejiaun Administrativu Espesial Oekusi-Ambeno (RAEOA).
“Ita Agradese ba Kompanhia Toms Building, Lda Neebe Normaliza ona estrada kotu iha Bairru Sikone, Suku vizinhu Bobokase no Hein husi Diresaun Rejional Infraestrutura (DRI) atu halo estudu viabilidade hodi hadia Diak Liu tan, tanba foin lalais akontese dezastre naturais, rai monu hakotu estrada nee, maibe kompanhia Toms Building, Lda, hahu normaliza ona hodi mobiliza Ninia Ekipamentus pezadu Sira, atu loke estrada husi Aldeia Nun ana Suku Nipane ba Leolbatan suku Monemeko, Postu Administrativu Pantemakassar RAEOA,” Dehan Xefe Suku Kutete, Jose Antonio Bana ba STL iha ninia servisu Fatin, Domingu (27/04/2025).
Nia haktuir Tan katak, ho normalizasaun estrada nee, agora povu iha Suku Kutete nomos Suku Vizinhu Nipane Aldeia Nun Ana nomos Seguransa husi Unidade Patroliamentu Fronteira (UPF) iha fronteira Nun ana, Hahu uza ona estrada nee ba mai.
“Ita Nia povu agora utiliza ona estrada nee, hodi mobiliza produtu lokal ba merkadu, nunee mos movimentu Seguransa husi UPF ba Mai hodi fo Seguransa ba Ita Nia povu iha Fronteira ho diak,” dehan Xefe Suku Kutete.
Iha oportunidade hanesan, Angelo Coa nuudar povu Kutete, apresia no sente kontente tanba kompanhia normaliza ona estrada nee iha semana kotuk, dadaun nee sira bele asesu ona transporte publiku normal.
“Hafoin dalan kotu iha fulan hirak liu ba, ami povu Kutete izola aan tebes tanba sorte kareta angguna ida maka antes estrada aat, kareta nee la konsege fila ba Oecusse mak tranfere movimentu transporte publiku iha Suku Kutete too Aldeia Nun Ana, Suku Nipane. Ami agradese tanba kompanhia Toms Building, Lda foin dadauk nee atu mobiliza ninia ekipamentus pezadu sira hodi hadia estrada husi Kutete ba too Leolbatan, konsege normaliza estrada nee temporariamente, fiar katak governu Autoridade RAEOA, sei tau matan hodi hadia diak liu tan estrada nee sai diak liu tan,” dehan nia.
Tuir observasaun STL iha terenu, movimentu transporte publiku hahu normal ona, presiza intervensaun husi governu hodi hadia diak liu tan estrada nee, tanba kuaze husi Bairru Nuslao, rai tetuk Kompanhia uluk hetan tenderizasaun hodi hadia estrada nee, maibe fui deit estrada ho semente iha rai tetuk no ateru rai henek ba area remotas hahu kedan husi Bairru Buneu too Kutete, neebe neebe tuir loos tenke fui ho sementi ou alkatraun tanba dalan iha area rurais maka sai amesa ba movimentu povu duke rai tetuk iha Bairu Nuslao.
(joa)
