DILI, STLTIMORLESTE.com – Komunidade neebe hela iha area Fomento II sente triste, tanba Governu liu husi Sekretariu Estadu Asuntu Toponomia no Organizasaun Urbana (SEATOU) sobu sira nia uma ka hela fatin laiha avizu.
“Ami koopera nafatin ho Autoridade Lokal sira nomos ho Governu, maibe ami triste nafatin tanba ami nia uma, ami halo diak hanesan nee mak mai sobu deit, ami hasai mak besi ho kalan deit,” hatete Komunidade Duarte da Silva Monteiro ba jornalista sira iha Fumento II, Segunda (06/1/2024).
Maibe nia dehan, SEATOU rasik mak tun direita hodi sobu komunidade neebe hela iha Mota ninin Fumentu II.
Nunee horiseik Primeiru Ministru (PM), Kay Rala Xanana Gusmão mai iha fatin haruka sira fila ba idak-idak nia munisípiu, maibe labarik sira SD, SMP ho SMA iha Munisipiu iha no Universidade laiha.
Iha fatin hanesan, Komunidade Fomento II, Jose dos Santos sente triste tebes ho eviksaun nee, tanba Governu laiha karta autorizaun nomos laiha avizu, tanba nee governu la konsidera nia komunidade.
Entretantu tuir observasaun jornalista STL iha terenu haree katak, Ekipa Konjunta neebe Lideradu husi SEATOU, Germano Santa Brites Dias, akompanha husi Diretora Jeral Toponímia no Organizasaun Urbana (DG-TOU), Maria Odete Barros Florindo nomos hamutuk ho Autoridade Munisípal Díli (AMD), Autoridade Protesaun Sivil (APC), Ministerio Obras Públikas (MOP), IGEADI no hetan apoiu seguransa husi Polisia Nasional Timor Leste (PNTL). ohin, ba loron kontinua halo despeza Administrativu ba uma hirak neebe harii iha fatin risku mota Komoro, Aldeia Fomento II, Suku Komoro.
(jen)
