DILI, STLTIMORLESTE.com – Komunidade uma kain neen (6) neebe daudaun nee hela iha areador Eskola Sekundariu nu. 4 de Setembru Balide, prontu koopera ho parte eskola.
Liafuan nee hatoo husi Diretor Eskola Sekundariu nu. 4 de Setembru Balide, Sergio A. da Cruz ba jornalista STL iha nia knaar fatin Balide, Sesta nee (30/05/2025).
Ba komunidade neebe mak hela iha ita nian resintu eskola nee mak kuaze problema nee situasaun hanesan nee hela, tuir hau nian hatene nee sira parte husi SEATOU nian mai koalia, neebe foin lalais fo sai iha notisia nee dehan semana nee nian laran ho komunidade sira neebe mak hela iha areador eskola nee, parte ida ita bele dehan katak ita haree ambiente eskola ladun diak, tanba sira sempre halo movimentu iha areador eskola, ita haree ba ladun diak, depois kada eskola nee tenke ninia moru nee haleu,” dehan nia.
Nia dehan, tuir lo-loos kada eskola nee ninia moru nee tenke haleu, atu nunee bele projete diak liu tan eskola, komunidade uma kain neen mak daudaun nee hela iha areador Eskola Sekundariu nu. 4 de Setembru Balide, no sira hela dezde iha tinan 1999 too mai agora.
“Hau foti hela sira nian fixa família ho sira nian kartaun eleitoral, bainhira hau koalia ho ita nian komunidade sira nee, sira sempre dehan sira prontu atu koopera ho parte eskola, tanba areador eskola fatin neebe ita halao aprendizajen ba estudantes sira,” tenik nia.
(jac)
