DILI, STLTIMORLESTE.com – Komunidade sira kestiona eletrisidade neebe mate lakan iha nasional no munisipiu, tanba estraga sira nia sasan eletronika.
Kestaun nee hatoo husi Komunidade Kolmera, Mario da Silva ba STL iha Kolmera, Dili, Kuarta (04/02/2026).
“Eletrisidade mate lakan no balu mate too loron rua tolu foin lakan, tanba estraga ami nia sasan eletronika, husu ba EDTL atu fo klarifikasaun,” dehan Mario.
Nia hatutan, ahi mate lakan laos iha Munisipiu deit, maibe iha Dili laran mos kontinua mate lakan, no la hatene problema loloos nee iha neebe, serake orsamentu ba EDTL nee alokadu ona, tan sa ahi sei kontinua mate lakan.
Iha fatin ketak, Akademista UNDIL, Luaciano Martins hatete, ahi mate lakan laos area remotas deit, maibe iha mos nasional ahi sei kontinua mate lakan, tan nee husu ba governu atu fo razaun.
“Ahi mate lakan tan nee bele estraga kliente sira nia sasan eletronika, tanba nee husu ba governu atu hadia problema sira nee iha tinan 2026 nee, tanba orsamentu alokadu tiha ona,” dehan nia.
(car)
