DILI, STLTIMORLESTE.com – Komunidade kristaun tenke sai uma mizerikordia ka grasa ba ema neebe sente triste, labele lakon sentimentu solidariedade.
Lia hirak nee hatoo husi Padre Richardo Pasang, SVD liu husi nia reflesaun ba loron Tersa nee (01/04/2025) hatete, komunidade kristaun tenkeser sai uma Mizerikordia ou uma grasa ba ema se deit neebe terus. Keta sai ema matan delek no lakon sentimenti ou lakon solidariedade ba sofrimentu ema neebe moris haleu.
Padre dehan, kompetisaun mak karakteristika ida domina iha moris tempu agora. Ema hataru forsa atu atinji susesu, dala ruma hakarak atu manan, justifika kualker meiu. Iha kompetisaun, balun sira manan balun sira lakon, sai vitima no eliminadu.
“Evanjelhu ohin loron hatoo mai ita milagre de kura ema sira neebe hetan moras durante tinan 38 iha Betsata. Betsata iha lingua hebraico katak casa da Misercordia ou casa de graça. Maibe, ironia tebes tanba fatin ida hanesan fatin grasa ou uma Mizerikordia, ema moras sira la hetan kura durante tinan 38 nia laran tanba la iha ema ida atu fo tulun.
Karik tanba limitasaun. Karik mos tanba situasaun difisil. Balun sira mos la fo tulun tanba la iha sentimentu, la solider ba ema neebe hetan sofre terus,” dehan Padre nee.
Padre nee dehan, realidade hatudu katak ema barak moris iha situasaun frontier/frontera, terus no luta ho sira nia kbiit rasik la ho tulun ema seluk nian. Tan nee, nuudar eskolante Kristu nian, komunidade kristaun tenke ser sai uma Mizerikordia ou uma grasa ba ema se deit neebe terus. Keta sai ema matan delek no lakon sentimento ou lakon solidaridade ba sofrimento ema neebe moris haleu ita.
“Iha situasaun kompetisaun makaas neebe dala ruma lori vitima Nai husu ita kompete malu atu halo diak no sai estensaun da bondade de Deus (perpanjangan tangan Tuhan). Vivat Deus Unus et Trinus in Cordibus Nostris Nai haraik bensaun ba ita hotu,” hakotu Pe.
(eme)
