DILI, STLTIMORLESTE.com – Plataforma Nasional Bee, Saneamentu no Ijiene Timor Leste (PN-BESI-TL) selebra loron Mundial Sintina 2024 ho tema “Sintina Sira Hanesan Fatin ba Same” hamutuk ho estudante UNTL sira, hodi habelar informasaun ba komunidade sira atu tau prioridade ba asuntu sintina, tanba komunidade barak mak seidauk uza sintina ho diak ka masimu no soe foer boot arbiru.
Koordenador Plataforma Nasional Bee, Saniamentu no Ijiene Timor Leste (PN-BESI-TL), Januario Amaral de Jesus hatete, ohin loron 19 Novembru Tinan 2024 neebe sai mos hanesan loron mundial ba Sintina, loron ohin mos ba nasaun sira neebe mak iha sub dezenvolvimentu neebe kuaze tau importansia hodi selebra loron Mundial ba sintina.
“Ohin ita komemora loron mundia ba Sintina, maibe oinsa fahe informasaun ba ita nia sidadaun sira, inklui mos ita nia entidade sira nomos ita nia Ministeriu relevante sira para oinsa tau importansia ba asuntu sintina,” hatete Januario ba jornalista sira iha Salaun Auditorium FCS UNTL Kaikoli, Díli, Tersa (19/11/2024).
Nia dehan, iha nivel politika iha planu no programa lubuk ida neebe mak Ministeriu Saude atrasa ona, depois iha ona sira nia planu stratejiku neebe mak governu atrasa ona, oinsa kontinua esforsu atu bele atinji planu no programa sira nee.
Ho nunee tema ba loron Mundial mak Sintina nee sai fatin ba dame, tanba nee Plataforma Nasional Bee, Saniamentu no Ijiene Timor Leste (PN-BESI-TL) neebe mak kontinua servisu hamutuk ho parseiru sira inklui mos governu.
Iha fatin hanesan, Diretora Nasional Edukasaun Promosaun Saude iha Ministeriu Saude (MS), Emilia de Jesus Alves Mendonça esplika, ohin loron 19 November TImor Leste komemora loron Mundial Sintina ho tema “Sintina Hanesan Fatin ba Dame”, tanba nee komunidade kada uma kain tenke iha sintina, atu nunee labele soe foer arbiru.
Nunee mos Estudante Julia de Jesus hatete, ohin Ministeriu Saude ho Plataforma Nasional Bee, Saniamentu no Hijene Timor Leste (PN-BESI-TL) selebra loron Mundial ba sintina, tanba nee sira mos fahe informasau kona-ba sintina, tanba iha komunidade barak mak seidauk uza sintina, sei Soe foer arbiru, liu-liu iha area rural, sira hakarak soe foer boot iha ai laran duke harii sintina.
(jen)
