DILI, STLTIMORLESTE.com – Relasiona ho komunidade uma kain 5 ka 6 neebe daudaun nee hela iha resintu Eskola Sekundariu Jeral nu. 4 Setembru, husu atu koopera hamamuk fatin.
Liafuan nee haktuir husi Diretor Jeral ESJ nu. 4 Setembru, Sergio A. da Cruz ba STL iha nia knaar fatin Balide, Tersa (25/03/2025).
“Hau hanoin kona-ba okupantes sira nee, parte SEATOU mai dala rua ona, hau rasik mos hatoo tiha ba, no ME mos mai, maibe Xefe Suku mos sei husu fali karta ida husi ME, atu nunee komunidade sira nee bele foin sai, maibe areador eskola nee ita prontu koopera para bele hamamuk fatin areador eskola ninia,” nia deklara.
Nia dehan, iha eskola ida nee komunidade neebe mak too agora sei hela nee bele dehan, kategoria uma kain 5 ou 6, no komunidade sira nee hela kleur ona iha areador eskola ida nee, maibe tuir lo-loos areador eskola nee komunidade sira labele hela, ho nunee manorin sira halao aprendizajen ba estudantes sira.
Nunee mos Diretor EBC 10 Dezembru Komoro, Calistro A. Guterres dehan, komunidade neebe mak hela iha resintu eskola ida nee, sira prontu koopera, maibe hasai sira ho dignu, tanba profesor balu mos hela hotu iha laran.
(jac)
