DILI, STLTIMORLESTE.com – Partidu Libertasaun Popular (PLP) husu Ministru Negosiu Estranjeiru no Kooperasaun (MNEK) atu rekomenda ba Prezidente Republika (PR), José Ramos Horta atu kondekora individu sira Comunidade dos Países de Língua Portuguesa (CPLP). Hatan ba kestaun nee Prezidente Republika hatete, nia kondekora bebeik ona laos premeiru vez.
“Laos premeiru vez, maibe kondekora barak ona. Dala ruma ema koalia iha parlamentu ladun akompanha situasaun uluk kondekorasaun boot ba Prezidente husi Mosambique Joaquim Alberto Chissano nia mai iha nee, kondekora nia jornalista balun uluk kedas, balun mate tiha ona mos kondekora. I balun konvida maibe lamai entau serimonia halo iha neeba, rai CPLP lubuk ida Brazil mos kondekora lahaluha sira,” dehan Prezidente Republika Jose Ramos Horta ba jornalista iha Palasiu Prezidensial Nicolau Lobato, Bairo Pite, Kuarta (10/12/2025).
Nia hatete, nia kondekora bebeik ona, sira iha Parlamentu Nasional la akompanha tanba nee ladun hatene.
Prezidente Republika hatete, atu halo kondekorasaun ba membru CPLP nee proposta rekomendasaun ba ema sira nee tenke mai husi Embaixada husi Governu, maibe Portugal lubuk ida tanba sira ativu, sira book aan lubuk ida mak hetan kondekorasaun Brazil mos kondekora.
Maibe rai hanesan Cabo Verde balun mate tiha ona, Angola apoiu makaas Mosambique, no Mosambique kondekorasaun boot ba Prezidente Joaquim Alberto Chissano Sesano nia mai iha nee ba ita nia independensia hela loron lubuk ida loron 5, nunee depois mai dala ida tan hau nuudar eis Prezidente nia nuudar eis Prezidente mai partisipa iha komferensia ida hau mak organiza iha 2015 Prezidente Bambang Yudhoyono mos mai maske antes nee nuudar eis Prezidente sira hotu hotu mai premio nobel lubuk ida mai iha 2015.
Alende nee Partidu Libertasaun Popular (PLP) husu Ministru Negosiu Estranjeriu no Koperasaun (MNEK) atu rekomenda ba iha Prezidente Republika (PR) José Ramos Horta atu rekoinese ka kondekora individu sira husi Nasaun CPLP nian neebe fo apoiu Timor-Leste ninia luta ba autodeterminasaun.
Xefe Bankada PLP, Deputada Maria Angelina Sarmento hatete, ohin parlamentu halo ona diskusaun kona-ba rezolusaun no kona-ba izensaun ba vistu ba titular pasaporte diplomatiku sira no rezolusaun neebe aprova ba ratifikasaun alterasaun ba estatutu sira CPLP nian. Maibe husu atu MNEK nia papel mak hatoo ba PR atu rekonese ba ema estranjeiru neebe apoiu ba TL ninia luta ba ukun aan nee.
Jornalista: Emerenciana Pinto
Editora: Domingas Gomes
