DILI, STLTIMORLESTE.com – Previzaun tempu bá loron ohin, alerta ba velosidade anin iha rejiaun kosteiras prinsipalmente iha Kosta Norte no Leste, liu-liu iha munisipiu 4 hanesan Atauro, Baucau, Manatuto no Lautem.
Informasaun neebe STL sita husi rede sosial Diresaun Nasional Metedeolojia no Geofisika (DNMG), Segunda (02/03/20206) hatete, velosidade anin ba loron ohin, sei kontinua persiste varia husi forte ba forte liu/extremu (25-45 km/h) iha munisipiu sira Atauro, Baucau, Manatuto no Lautem.Restante munisipiu tantu iha rejiaun central, Oeste kuantu iha Sul, kondisaun refere sei varia husi normal ba moderadu ka naton (10-20 km/h).
Entretantu kondisaun laloran tasi atensaun espesial bá laloran tasi nia aas iha Kosta Norte no Leste.
Laloran tasi nia aas bá loron ohin sei varia husi forte (1.5-1.7 m) prinsipalmente iha munisipiu sira hanesan: Atauro, Baucau no Lautem. Restante munisipiu sira seluk tantu iha Kosta Norte no Leste, kondisaun refere sei varia husi normal ba moderadu/naton (0.7-1.3 m).
Nunee mos kondisaun tempu atensaun bá udan ho intensidade moderadu/naton iha rejiaun Central no Oeste.
(dom)
