DILI, STLTIMORLESTE.com – Estrada iha Suku Kaikasa, Postu Administrativu Fatuberlihu, Munisipiu Manufahi, liga ba Aldeia Laleik no Aldeia Sukaer kondisaun aat, hodi difikulta movimentu transporte neebe sirkula iha area neeba.
Xefe Suku Kaikasa, Postu Administrativu Fatuberlihu, Munisipiu Manufahi, Euklides Torrezão hatete, kondisaun estrada aat difikulta movimentu transporte, liu-liu komunidade sira neebe atu lori produtu lokal ba asesu iha merkadu.
“Kondisaun estrada iha ami nia Suku Kaikasa, liga ba Aldeia 2 hanesan Ailalec no Sukaer, bainhira tempu udan tahu dodok, susar atu halao movimentu”, dehan Euklides Torrezão ba STL liu husi telefone, Kinta (23/01/2025).
Nia dehan, haree ba kestaun estrada aat nee, nia parte hatoo ona pedidu ba parte relevantes, maibe too agora seidauk hetan resposta.
Entretantu Visi Ministru Obras Publika, Julio do Carmo hatete, kona-ba kondisaun estrada aat nee, laos iha fatin ida rua deit, barak mak sei aat, maibe atu hadia nee sei haree no faze ba faze, sei haree ida neebe mak prioridade nunee atu implementa uluk.
(gui)
