DILI, STLTIMORLESTE.com – Veteranu Jose da Conceição konsidera konflitu neebe akontese iha rai laran, tanba governu la kria kampu servisu ba joven sira.
Nia dehan, bainhira iha kampu servisu ba joven sira mak koflitu sei la akontese, tanba joven sira okupadu ho sira nia servisu no laiha hanoin atu baku ka tuda malu hanesan akontese iha fatin fatin.
“Joven sira halo hahalok brutal nee, tanba ita nia governu mak la kria kampu servisu iha rai laran ba joven sira hodi servisu,”dehan Jose ba STL iha Kolmera, Dili, Kuarta (04/02/2026).
Atu prevene konflitu labele akontese iha rai laran, Jose husu ba governu lori investor boot sira mai investe iha Timor-Leste (TL), nunee bele fo servisu ba joven sira.
(car)
