DILI, STLTIMORLESTE.com – Oras nee daudaun konstrusaun Eskola Sekundáriu Nobel da Paz atinji ona 75% , no tuir planu sei finaliza iha inisiu Outobru tinan nee.
Tuir Diretor Eskola Sekundariu Nobel da Paz Jeremias P. de Jesus dehan, konstrusaun nee agora lao hela, tuir lo-loos fulan nee remata ona, maibe tanba iha falhansu oituan nee mak tarde. Konstrusaun nee halo uluk andar ida primeiru ho sala nen, bainhira remata mak sei kontinua fali.
“Konstrusaun nee bainhira nahe ona iha leten, depois cor tan ida iha klaran nee, depois revoka ona, nee ita bele dehan atinji ona 75%, tanba sala okos nee parte andar primeiru ninia,falta 25%. Entre fulan ida nee konstruksaun ida nee tenke remata, tanba iha Outubru nian laran nee ami sei prepara halo meza 60 nunee ba ita nian estudantes sira,” dehan Jeremias ba STL, Kuarta (17/09/2025).
Nia katak, konstrusaun nee iha sala 6, maibe sala ida seluk profesor sira bele tur, sala ida seluk ba diretor no sala 4 ba ita nian estudantes sira.
Jornalista: Jacinta Sequeira
Editora: Domingas Gomes
