DILI, STLTIMORLESTE.com – Daudaun nee pasiente fase raan sira kontinua fase raan iha Sala Neofrolojia Hospital Nasional Guido Valadares (HNGV), tanba konstrusaun ba fatin fase raan seidauk hotu, maibe tinan 2024 nia laran sei entrega ona ba HNGV.
Liafuan nee haktuir husi Xefe Medisina Interna, Gustavo Rosario da Cruz ba jornalista sira iha salaun HNGV, Bidau Díli, Segunda (28/10/2024).
“Ita sei faze konstrusaun nia laran ba fatin fase raan nian, maibe wainhira konstrusaun nee hotu ita sei muda makina sira nee ba fali iha neeba,” hatete Xefe Medisina Interna nee.
Nia dehan, fatin fase raan nia sei iha konstrusaun nia laran, maibe wainhira remata ona, kompanhia sei entrega ona ba HNGV, nee tenke muda makina fase raan.
Iha fatin hanesan, Pasiente Luciano da Silva Marques hatete, daudaun nee kontinua fase raan iha sala neofrolojia, iha fatin nee espasu ladun sufisiente.
“Ita haree fatin foun neebe agora iha hela fase konstrusaun seidauk remata, sei wainhira fatin foun nee hotu ona, ita bele uza ida nee diak liu,” nia Informa.
Entretantu informasaun neebe STL asesu iha terenu, fatin kontrusaun ba fase raan nian agora atinji ona 98%, no seidauk iha fatin foun ba sira, maibe tinan nee fatin foun nee bele uza ona hodi atende ba pasiente sira neebe presiza fase raan.
(jen)
