DILI, STLTIMORLESTE.com – Relasiona ho konstrusaun jardim dos heróis iha Munisipiu Vikeke Vila, Suku Uma Wain Leten, no restus mortais iha Postu Watulari neebe mak durante tinan barak ona, maibe too agora governu seidauk haloot iha fatin neebe mak dignu.
Nunee Ministru Asuntu Kombatentes Libertasaun Nasional (MACLN), Gil da Costa Monteiro “Oan Soru” hatete, kompanhia halo konstrusaun ba jardin dos herois iha Munisipiu Vikeke, Suku Uma Wain Leten kompanhia halo labele taka tiha, depois halo foun fali, lae tinan ba tinan ita nafatin nunee.
“Sim, halo konstrusaun ba iha jardin dos herois nee iha kedas VIII Governu nian iha tinan 2021 nee, neebe ami mai kompanhia komu lao tiha ona ita kontinua too deit hotu, maibe atu hotu fali iha neebe, tanba nee mak hau entrega ba sekretariu estadu rezolve, kompanhia halo labele taka tiha, depois halo foun fali, lae ita tinan ba tinan ita nafatin amen,” dehan Gil Oan Soru ba STL iha Palasiu Governu, Kuarta (26/03/2025).
Ministru Kombatentes Libertasaun Nasional, Gil da Costa Monteiro “Oan Soru” hatete, relasiona ho konstrusaun jardin dos herois iha Munisipiu Vikeke Vila, Suku Uma Wain Leten prosesu nee kleur tebes ona, maibe too agora seidauk finaliza.
“Nee prosesu kleur demais hau entrega hela ba sekretariu estadu rezolve hela, maibe kleur tebes dezde 2021 ita boot sira imajina ohin 2025 klaran tan tiha ona, gapura deit seidauk hotu tan,” katak Oan Soru.
Governante nee haktuir, foin lalais ami halo avaliasaun nee dehan sira husik too loron 31 de Dezembru, entaun iha tinan 2025 nee ita la kontinua prolonga tanba hau entrega ona ba sekretariu estadu rezolve ona iha neeba, seidauk fo informasaun mai hau.
Antes nee mos Governu promete katak bainhira rekolha restus mortais no konstrusaun ba jardin herois nee hotu sei hakoi ona iha tinan ida ka rua nia laran maibe na reallidade liu ona tinan sanulu seidauk tau restus mortuais nee iha fatin neebe mak dignu.
(EST 2)
