DILI, STLTIMORLESTE.com – Liga ho konstrusaun edefisiu Sentral Radio Televizaun Timor Leste, Empreza Publika (RTTL.EP) neebe oras nee paradu, Primeiru Ministru Kay Rala Xanana Gusmão hatete, nee husu ba Sekretariu Estadu Komunikasaun Sosial, Expedito Dias Ximenes, nia mak hatene.
Primeiru Ministru Kay Rala Xanana Gusmão hatoo kestaun nee ba jornalista bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (23/10/2025).
Nia hatete, liga ho konstrusaun RTTL-EP neebe paradu nee husu ba Expedito nia mak hatene.
Xanana Gusmao hatete, nia rona katak konstrusaun paradu tanba rai monu, no bee sae, tanba nee hus SEKOMS hemu bee maran tiha mak kontinua.
Konstrusaun Edefisiu Sentral RTTL. EP neebe konstrui husi empreza Internasional PT Aulia Multi sarana paradu besik tinan ona.
“Nee husu ba Expedito Dias Ximenes, hau rona katak rai monu rai aat rai saida bee sae, haruka nia (Expedito) ba hemu tiha bee nee pronto bee nee mos lasae ona,” dehan Primeiru Ministru.
Nia batere, ida nee SEKOMS mak hatene ba hemu hotu bee nalihun sira nee mak halo konstrusaun.
Projetu konstrusaun ho kustu orsamentu total US$ 3,760,405.00 apoiu husi Governu japaun no implementa husi UNDP nee paradu kuaze tinan ona.
No projetu nee antes halo lansamentu no tau fatuk dahuluk husi Primeiru Ministru Kay Rala Xanana Gusmao iha loron 19 de Dezembru tinan 2024.
Jornalista: Emerenciana Pinto
Editora: Domingas Gomes
