DILI, STLTIMORLESTE.com – Sekretariu Estadu Komunikasaun Sosial (SEKOMS), Expedito Loro Dias Ximenes hatete, konstrusaun ba Tore tolu (3) iha Munisipiu Lospalos, Ainaro inklui Munisipiu Bobonaro atinji ona ba 97%.
“Tore tolu nee ida iha Lospalos, Ainaro no Bobonaro, oras nee too ona 97%, ohin ha’u haruka ona hau nia tekniku sira aban ba ona fatin tolu nee hodi haree semana liu ba sira fo retoriu katak antiji ona 97%, agora ekipa sira ba haree too ona 97% ka 100% ka lae, tekniku sira sei ba cek,” dehan Expedito Loro Dias ba jornalista sira iha Palasiu Governu, Tersa (15/04/2025).
Nia haktuir, konstrusaun Tore nee hotu sei iha instalasaun ba koneksaun hodi bele hetan koneksaun husi satelite neebe mak iha.
“Ida nee konstrusaun, portantu imi tenke komprende katak konstrusaun Tore nee mamuk hela, depois kontrusaun tore hotu sei iha instalasaun, para nia bele iha koneksaun no bele hetan koneksaun husi satelite neebe iha, neebe imi hotu tenke komprende katak Tore nee halo hotu tiha ami sei halo instalasaun,” katak nia
Nia hatutan, Tore tolu nee hahu kedas iha VIII Governu nian, momentu neeba IX Governu tama kontinua deit, tanba importánsia husi Tore tolu nee ba RTTL.EP atu alarga nia kobertura iha teritoriu laran tomak, mak IX Governu hakaas no esforsu, no agora too ona 97%, neebe agora hein deit para tinan oin ami bele instala.
Nia salienta, tinan ida nee sei halo tan Tore ida iha Lautém no ida tan iha Ermera, tuir planu mandatu IX Governu nia hotu sei halo tan Tore 12, atu bele alarga kobertura RTTL.EP, kobertura iha teritoriu foin 58%, ita hakarak too 2028 nee bele ona 80%, ida previzaun IX Governu Konstitusional nian.
“Agora iha IX Governu nee kontinuasaun husi VIII Governu, agora tinan nee Tore rua tan no tinan oin aumenta tan Tore haat, maibe molok atu halo Tore nee sei halo estudu viabilidade, iha neebe mak presiza atu halo agora daudaun estudu viabilidade hatudu katak tinan nee ami halo Tore rua iha Lautém no Ermera,” nia hakotu.
(EST 2)
