DILI, STLTIMORLESTE.com – Besik tama ona selebrasaun loron boot Natal ho tinan foun, Primeiru Ministru (PM), Kay Rala Xanana Gusmão fo korajen ba labarik sira neebe moras iha Hospital Nasional Guido Valadares (HNGV) hodi fahe prezente Natal, tanba la selebra hamutuk ho familia.
Asaun karidade no fahe prezente Natal ba labarik sira neebe moras iha HNGV, nee Primeiru Ministru Kay Rala Xanana Gusmão halao iha HNGV Bidau, Kuarta (18/12/2024).
Xefe Governu Xanana hatete, ohin mai nee laos servisu hanesan saida, mais lori buat oan ruma mai ba labarik sira moras nee mak mai lao haleu, hodi mós konhese situasaun kondisanun iha hospital”, katak PM Xanana, bainhira tun direta ba HNGV. Agora tama ona periodu Natál no tinan foun, tanba nee mai vizita moras sira liu-liu atensaun ba labarik sira neebe moras.
Nunee mos família ou inan husi oan neebe moras, Maria Santissima hatete, sira husi Postu Administrativu Lolotoe, Munisipíu Bobonaro mak mai, ohin nee orgulhu tanba prezensa PM, neebé hodi fó korajen ba nia oan enfrenta hela moras fuan no pulmaun.
Nia afirma, prezensa Primeiru Ministru nian halo sira kontente, tanba laos vizita hela deit, neebe nuudar korajen boot ida, sira nia oan no kiik oan sira neebe enfrenta hela moras.
“PM ka Avo Nana mai lori sasán barak, ami laiha liafuan atu hatoo, maibe ami só bele hatete, obrigadu wain ba Avó Nana”, katak Inan née.
Tuir nia, besik atu selebra loron Natal la hamutuk ho familia no oan sira, tanba ida nee ho kondisaun moras, agradese ba Maromak, PM mai fo korajen no forsa ba kiik Pandora neebe moras, forsa ida mai labarik, atu sra bele forsa liu tan luta hasoru moras neebe sira sofre hela, hodi bele rekupera lalais.
Entretantu iha asaun karidade neebe Primeiru Ministru, (PM) Xanana halao nee akompanha husi Visi Ministru Saúde, José Magno, Doutor no infermeiru sira. Sasan sira neebe PM lori hanesan roupa ba labarik, mainan labarik, mina no bedaak uza ba labarik kiik sira nian no sasan sira seluk-seluk tan.
(gui)
