DILI, STLTIMORLESTE.com – Ministeriu Edukasaun (ME) sei halo rezidensia ba profesores sira neebe halo kolokasaun iha area remotas.
Asuntu nee hatoo husi Ministra Edukasaun (ME), Dulce de Jesus Soares ba jornalista sira iha salaun Ian Martin Balide, Tersa nee (29/10/2024).
“Programa IX Governu Konstitusional iha tinan ida nee liu husi projetu neebe mak iha MAE nia okos, sei halo rezidensia ba profesores sira, ami hakarak fo prioridade ba novos profesores, liu-liu ba profesores sira neebe hetan kolokasaun ba area remotas, maibe ida nee mos sei laiha alokasaun orsamentu iha tinan ida nee, maibe ida nee sai programa ida, neebe governu sei haree ida nee,” tenik nia.
Nunee mos Diretor Edukasaun Munisipiu Ainaro, Patricio da Costa Magno hatete, profesor sira nee akomodasaun ba sira, balun hela iha uma komunidade no balun sira rasik mak aranja hela uma, sira hamutuk 41, no cafe nian nain rua, nee sira sei halo servisu nafatin hela.
(jac)
