KOVALIMA, STLTIMORLESTE.com – Munisipiu Kovalima iha potensialidade iha setor oin-oin hanesan rai maran, gas natural, agrikultura, peskas, pekuaria, turizmu no seluk tan.
Lia hirak nee hatoo husi Prezidente Autoridade Munisípiu Kovalima, Miguel Armada Cardoso liu husi nia diskursu iha Kovalima, Kuarta (26/03/2025).
Nia hatete, Munisípiu Kovalima iha potensialidade ba setor oin-oin hanesan rai maran, gas natural, agrikultura, peskas, pekuaria, turizmu no seluk tan.
Prezidente Autoridade dehan, geografikamente Munisípiu Kovalima iha parte leste, fronteira Munisípiu Ainaro, parte Norte Fronteira ho Munisípiu Bobonaro. Parte Oeste fronteira ho kabupaten Belun Indonezia no parte sul mak Tasi Timor.
“Munisípiu Kovalima iha potensialidade setor oin-oin hanesan rai maran, gas natural, agrikultura, peskas, pekuaria no turizmu,” katak nia.
Aleinde nee, Kovalima potensial ba setor agrikola produtivu, indika ona 96% populasaun Kovalima haknaar aan nuudar agrikultor ka toos nain. Potensial mos ba batar, hortikultura hetan 56,113 mil hektares no area kultiva foin atinji 420.35,03 hektares.
Nunee mos iha area potensia ba natar iha 565 hektares area kultiva foin atinji 2.787 hektares, tanba rekonhese pratika tradisional, koersional, substensia sei domina. Tanba nee bazeia ba figura nee bele konklui katak setor agrikola presiza inovasaun foun, teknolojia apropriadu, presiza investimentu seriu envolvimentu setor privadu sira hodi asegura seguransa ai-haan no nutrisaun nivel uma kain, diversifika fontes família.
Mezmu nunee, forsa trabalhu Autoridade Munisipal Kovalima kompostu husi Prezidente Autoridade Munisipal, Sekretariu Munisipal nain tolu, Diretor servisu Munisipal 19, departamentu 37 ho forsa trabalhu hamutuk 1.784 kompostu husi funsionariu mane 870 no funsionariu feto 314.
Nomos servisu delegasaun teritorial sira 37, inklui mos empreza publika no institutu publika no total profesor hamutuk 132, profesor mane 611 no profesora feto iha 421.
Kovalima iha mos Aeroportu Internasional ida bele kontribui ba respeita estadu, iha posibilidade atu harii no dezenvolvimentu portu ba roo ahi iha Tasi ibun Suai Loro. Nunee mos alokasaun Orsamentu Jeral Estadu 2024 montante milhaun US$7.256, 65.
Ho nia taxa ezekusaun atinji 94.8%, inklui ezekusaun projetu investimentu munisipal 8 no projetu poupansa, ida ho estatus atinjmentu 100%.
PAM Kovalima dehan, iha tinan 2025 Munisípiu Kovalima alokasaun orsamentu ho montante US$ 8, 293, 934. Hanesan mos programa Mrrenda eskolar hetan alokasaun orsamentu ho montante US$ 1.388,549. Total alunus 748 kompostu husi ensinu pre-eskolar no ensinu baziiku.
Nunee mos taxa ezekusaun tol 26 Marsu atinje ona 16.8%. Entretantu, Autoridade Munisípiu Kovalima, kompostu administrasaun postu administrativu hitu, suku 30, aldeia 148 no nia area suprevion 126,60 killometru kuadradu. Ho total populasaun 89.461, kompostu populasaun mane 45.408 no populasaun feto 44.53, total uma kain 22.40.
(eme)
