DILI, STLTIMORLESTE.com – Eskola Ensinu Baziku (EBC) Manleuana hahu kria ona komisaun organizadora ba preparasaun ezame primeiru periodu, neebe sei halao iha loron 6 fulan Abril tinan nee.
Diretor EBC Manleuana, Carlos Correia haktuir, ezame primeiru periodu nee tuir planu sei halao iha loron 6 fulan Abril tinan nee, kada profesores sei prepara pontus ezame tuir materia neebe mak Profesor sira antes nee hanorin ona estudantes sira.
“Hau hanoin kona-ba ezame primeiru periodu ninia, foin daudaun ami halao ona enkontru ho profesores sira no ami kria ona komisaun organizadora ba iha ezame ninia, nunee komisaun organizadora mak sei haree ba iha ezame ninia. Nee duni ba ezame nian nee ami fahe ona servisu ba malu ka kria ona komisaun organizadora ba ezame ninia,” dehan Carlos ba STL iha nia knaar fatin Manleuana, Kinta nee (19/03/2026).
Carlos reforsa katak, total estudantes husi primeiru too terseiru siklu hamutuk 9.061, estudantes sira nee mak sei partisipa iha ezame primeiru periodu neebe mak sei halao iha fulan Abril nian laran.
“Komisaun neebe ami kria ona nee ami fahe ona servisu ba malu, ho nunee ita bele halo preparasaun ba ezame ho diak, nee duni pontus ezame nian ami nia profesores sira kada disiplina ida-idak sei prepara,” nia dehan.
Entretantu Luciana Marques hanesan estudantes hatete, iha tempu badak nia laran sira sei partisipa iha ezame primeiru periodu ninia, tanba nee nuudar estudantes nafatin esforsu aan estuda, tanba nee foin ezame primeiru ninia, nunee estudantes sira presiza prepara aan estuda.
“Iha tempu badak nian laran sira sei partisipa iha ezame primeiru periodu ninia, tanba nee nuudar estudantes nafatin esforsu aan estuda, tanba nee foin ezame primeiru ninia, nunee estudantes sira presiza prepara aan estuda,” tenik nia.
(jac)
