DILI, STLTIMORLESTE.com – Jurista Timoroan konsidera katak, krimi Violensia Domestika labele dada fila, tanba nia natureza krimi publiku.
“Krimi violensia domestika krimi neebe nia natureza publiku, tanba nee maske diak malu ona labele dada fila, tenke kontinua julgamentu ba oin,” dehan Jurista Jose Maria Guterres ba STL iha Tribunal Dili, Tersa (01/04/2025).
Nia hatutan, krimi Violensia Domestika akontese kauza husi ekonomia familia uma laran, no balu mos tanba utiliza teknolojia la tuir nia dalan.
Tanb krimi Violensia Domestika barak neebe lori mai iha Tribunal atu iha futuru halo prevensaun, tanba iha desizaun ba prosesu sira nee balu aplika pena suspensaun atu nunee iha futuru sira labele halo tan aktu nee.
Iha fatin ketak, Akademiku Universidade Nasional Timor Lorosae (UNTL), Sebastião Dos Santos dehan, Violensia Domestika ohin loron nia numeru aas, ida nee hatudu katak ema iha ona konhesimentu kona-ba lei Violensia Domestika nian.
“Hau hanoin ema barak hatoo keixa, tanba sira iha ona konhesimentu kona-ba lei nee, sira hatene ona katak aktu violensia nee lei bandu,” dehan nia.
(ter)
