LAUTÉM, STLTIMORLESTE.com – Identidade kuktural hanesan lia moris no lia mate sai kostumi permanente ba ema hotu, tanba nee ema hotu presiza banati nafatin identidade kultural.
“Ita nia kuktura mak sai parte importante iha nesesidade moris hotu, tanba nee ema hotu presiza fiar kultura hanesan identidade, tanba nee ema hotu tenki fiar objetivu husi kuktura nian,” dehan lia nain, Lino da Costa ba STL iha Suku Bauro, Sesta nee (08/11/2024).
Tuir lia nain nee katak, objetivu husi kultura nee sai hanesan destinasaun moris, liu-liu halo lia-moris no lia-mate nian, tenki estabele kultura nuudar asuntu ida, hodi foti ba rezolve asuntu fetosan ka uma nian, nunee importante tebes atu ema hotu tenke fiar nia kuktura, mesmu kuktura mai ho naran diferente, uma lisan diferente, kostume diferente, maibe fe humanidade nafatin, konsidera kultura idak-idak nian atu bele fo matak no malirin ba lia hanedan fetosan-umane neebe eziste.
Entretantu lia nain husi Lekichay, Abilio dos Santos reafirma katak, ema hotu tenke lori kultura hanesan identidade permanente ida iha vida moris, tanba kuktura ho Maromak presiza fo fiar hotu, nunee bele fo matak no malirin.
Kultura mai ho tipu oin-oin, neebe mai mos ho nia maneira rasik, oinsa bele kultura nain fo fiar ba nia uma lisan, fo fiar ba nia kultura bainhira koalia kona-ba lia-moris no lia-mate, signifika kultura nee sai identidade ida importante iha vida moris.
Antes nee, eis Prezidente Republika, Fransisco Guterres Lu’Olo hatete, Timor Leste nia rikusoin boot liu mak ema no ohin Timoroan sira fo sai sira nia hanoin, sentimentu, hakarak no mehi, liu husi arte no kultura, tanba nee ema hotu tenke valoriza Timor Leste nia kultura.
(EST 1)
