DILI, STLTIMORLESTE.com – Nuudar manorin nain sempre kumpri orariu hanorin neebe estabelese tiha ona, no sira idak-idak hatene sira nian knaar.
Asuntu nee hatoo husi Diretor Servisu Edukasaun Munisipiu Manatuto, Patricio da Cruz Quintao ba STL liu husi telefone, Tersa nee (03/12/2024).
“Profesores tenke hatene sira nia knaar nuudar manorin nain, tenke kumpri orariu hanorin estudantes iha eskola ida-idak nian. Hau hanoin primeiru ita nian profesor sira tenke hatene sira nian knaar nee, tanba hanesan ema manorin nain ou hanesan profesor, depois hanesan funsionariu publiku, tanba buat hotu-hotu nee iha lei mak regula inklui lisensa sira nee,” nia afirma.
Patricio husu profesores sira atu kumpri, maibe oinsa mak tenke tama hanorin estudantes iha sala, atu nunee ninia materia nee hanorin estudantes, no estudantes tenke kompriende materia neebe mak profesores fo ba sira.
Iha fatin seluk, Diretor EBC Manleuana, Carlos Correia hatete, profesores sira sempre kumpri orariu hanorin estudantes sira, hirak neebe mak hanorin dader sira mai sedu para bele fo materia ba estudante sira.
(jac)
