DILI, STLTIMORLESTE.com – Komunidade Aldeia Likarapoma, Suku Bairo Pite, Postu Administrativu Som Aleixo, Munisipiu Dili, kestiona la asesu estrada no difikulta sira iha tempu udan, tanba dalan neebe sira asesu nakfila ba tahu
Tuir Komunidade Aldeia Likarapoma, Augosto Amaral katak, bainhira udan dalan nee tahuu no liu ba mai difikulta tebes sira, aat liu tan sira neebe mak lao ain ba mai estrada boot, tanba aldeia ida nee la asesu estrada, maske uluk dalan nee parte atu ba kampung alor nee cor ona, maibe parte atu sai ba dalan boot bemo O6 nee iha oituan nee la cor, bainhira udan la para difikulta tebes sira.
“Bainhira udan la para, ema ho motor ba mai nee halo tahu dodok aat liu tan, tanba atu sai ba dalan boot parte bemo 06 nee ida nee deit, neebe hakarak ka lakohi tenke liu husi dalan ida nee, maibe dalan atu sai fali ba parte bemo 010 ninia nee cor tiha ona iha tinan 2022, nee ita sai too Kampug Alor iha oituan gudan boot ninia nee mak tahuu,” afirma Augosto ba STL, Domingu nee (23/03/2025).
Nia akresenta, dalan nee kareta labele tama, ema ho motor deit mak bele liu ba mai, bainhira komunidade sira halo uma nee tenke lalin husi estrada mak tama mai, tanba kareta atu liu iha neebe, hakarak ka lokohi uza karosa mak tula rai henek no fatuk tama mai, ida nee mak kondisaun estrada.
Tuir observasaun STL iha terenu, komunidade sira sempre kestiona dalan nee, tanba bainhira udan dalan refere nakfila ba tahu.
(jac)
