DILI, STLTIMORLESTE.com – Semana oin estudantes husi Eskola Sekundáriu Jeral FINANTIL sei uza uniforme nasional, no ba hirak neebe la sosa bolu sira para bele fo justifikasaun, se lae la partisipa iha ensinu aprendizajen.
Asuntu nee hatoo husi Diretor Eskola Sekundariu Jeral FINANTIL, Aniceto Berlelo ba jornalista STL ina nia knaar fatin Aimutin, Sesta nee (08/08/2025).
Nia esplika Segunda semana oin ita nian estudantes sira hahu uza ona uniforme eskolar, se mak la uza sei la tuir ensinu aprendizajen,
“Kona-ba uniforme nasional nee Segunda semana oin ita nian estudantes sira hahu uza ona, ita nian estudantes neebe hola nee ita fo ona farda ba sira, agora sira neebe la hola nee haruka fila no labele tuir ensinu aprendizajen, bainhira hola tiha mak tuir,” nia esplika.
Nia dehan, farda neebe mak estudantes sira sosa nee iha oin rua mak sira sosa ona, rua nee ho folin US$ 29, estudantes maioria mak hola ona farda, nee duni ba estudantes neebe la hola haruka fila uma, sira seidauk hola farda dala ruma inan aman mak seidauk fo osan.
“Sira la hola farda nee ita sei bolu mai justifika lai, tanba saida mak la hola farda nee, tanba estudantes hotu hola, no total estudantes iha Eskola Sekundariu Jeral FINANTIL besik rihun 2, profesores 69, sala de aula 26,” katak nia.
(jac)
