DILI, STLTIMORLESTE.com – Labarik neebe ho idade kiik maibe nia kondisaun defisiensia fiziku, nia mos iha direitu atu asesu ba edukasaun.
Lia hirak nee hatoo husu Feto Potensia, Maria Amaral ba STL iha knaar fatin Kaikoli, Dili, Kinta (24/10/2024).
Nia hatete, ema hotu iha direitu atu asesu ba iha edukasaun, tanba nee mak labarik neebe mak ho idade kiik maibe ho kondisaun defisiensia husi liman ka ain iha direitu atu asesu ba iha edukasaun.
“Tanba nee, kriatura Maromak nia hotu no lei mos koalia klaru katak, labarik ho iha direitu neebe mak hanesan tanba nee mak labarik kiik balu mak kondisaun defisiensia liman ka ain, inan aman labele moe lori sira asesu ba edukasaun,” katak nia.
Nia hatutan, Governu liu husi Ministeriu relevante sira liu liu MSSI ka edukasaun nomos organizasaun neebe mak luta ba labarik nia direitu nafatin esforsu makaas, no presiza mos kria kondisaun ba labarik sira neebe mak defisiensia matan tilun, maibe ida neebe mak defisiensia iha liman no ain hanoin nee bele tama hamutuk ho labarik sira babain.
Importante mak fahe informasaun nunee labarik sira labele trata iha eskola, tanba dala ruma labarik idade kiik hanoin latoo bele hasai liafuan neebe mak la merese maibe kuandu ho edukasaun neebe mak diak hanoin labarik sira sei intende.
Nunee Mos Diretora DNRC MSSI, Manuela Oliveira M hatete, MSSI nee foka ba ben star labarik sira nia feto vitima sira nia parte legal ALFELA iha Ministeriu Publiku, iha Polisia iha, entaun idak-idak hola nia papel para depois bele garante servisu atendimentu neebe halo nee ida laba halo fali ida nian, maibe idak idak ho nia papel atu asegura atendimentu ba kliente no ema vulneravel sira sente duni katak benefisiu nee sira mos sente husi asistensia.
“Nunee mos kliente sira ou vulneravel sira mos sente benesiu husi ita nia asistensia no ita nia atendimentu, seluk ida mak hakarak hatete mos agora daudaun parte defisiente servisu makaas hela mos ho assuntu labarik defisiente sira nia liga ba depois komemorasaun loron mundial ba ema ho defisiente, entaun MSSI mos halo hela servisu ida nee depois preparasaun ba selebrasaun ida nee,” katak nia.
Nunee mos Afonso Soares, hanesan Xefe Gabinete husi Ministeriu Edukasaun hatete, kona-ba asesiblidade ida nee edukasaun laiha problema, tanba ohin loron politika edukasaun inkluziva mosu entau relasiona ona ho asesiblidade purzemplu koalia konaba infraestrutura, kada infraestrutura nee sempre iha estandar minimu bainhira sira halo infraestrutura ruma aprezenta lai sira nia dezenhu VOQ se lae mak sei rezeita. “Se lae establese mak nia kompromete responde duni ba edukasaun enksivu katak, iha asesiblidade kestaun tekniku neebe mak relasiona ona ho ensinu aprendizajen entau ami aprova, tanba nee mak koalia konaba asesblidade hau hanoin ba edukasaun ohin loron laiha buat ida,” katak nia.
(eme)
