AMBENO, STLTIMORLESTE.com – Labarik feto nain 4 ho naran Jacinta Falo, Maria Falo, Luiza Falo no Marcela Seco Falo, mout no mate iha bee matan neebe kompanhia kee hodi rega estrada no ba sira nia nesesidade.
Labarik matebian nain 4 nee sei Eskola iha EBC 1,2,3 Oel-kaem, Jacinta Falo kelas 6, Maria falo kelas 4, Luiza Falo kelas 2, Marcela Seko Falo kelas 1, Sira nain 4.
Tuir sasin Marcelo Falo ba STL iha Bairru Nunputu Meofnua, Suku Taiboko, Postu Administrativu Pantemamasaar, Rejiaun Administrativa Espesial Oecusse-Ambeno (RAEOA), Sabadu (29/11/2025) katak, sira ba kuru bee iha bee matan Nuahluku, hetan sira haris hela iha kuak obra nee, tanba bee nakonu.
“Horuseik loraik ami nain 2 hau nia alin Aderito Busan Falo ba kuru bee iha bee matan Nuahluku kuaze 500 metru hanesan nee, ami hasoru sira nain haat iha dalan sira fila ona mai uma, tanba nee ami nain 2 kontinua ba kuru bee, too iha fatin bee atan ami sei rona hela sira nain 4 nia lian, tanba karik sira halimar iha kuak obra nee. Sira ba kuru bee karik hetan bee nalihun iha kuak neebe kompanhia kee nee, sira mai liu uma rai tiha masa neebe nakonu ho bee mak sira fila ba haris, la kleur ami la rona ona Sira nia lian. Hafoin ami nain 2 kuru bee hotu, ami fila mii too uma, la rona ona sira nia lian, tanba nee ami ba bolu sira atu fila ba uma. Hau nia alin rasik mak Matebian Luiza Falo. Ami hatuur ona bee ho masa ami ba tuir sira iha bee nalihun nee, too neeba ami mos la hetan sira iha bee nalihun nee, so hetan deit sira nia sinelus, ropa no buraisa kesi fuk. Nunee hau nia apa ikun nia oan mane ho idade 14 anos, Sipri Falo hamriik iha Laletel Tumolo, bolu sira, nunee hateten ba nia alin nain 2 dehan keta sira mout iha bee nee karik,” dehan Marcelo Falo.
Nia haktuir tan katak, hafoin ida nee Sipri Falo kontinua ba tuir sira, antes too neeba Marcelo Falo uza tali, nia alin kaer tali iha leten no nia tun ba bee laran, konsege hetan uluk Marcela Falo, entaun nia husu ajuda fali ba nia Maun Cipri Falo atu bolu komunidade besik iha bairu laran tun iha fatin akontesimentu.
Hafoin hetan hau nia feton Marcela Falo, hau kontinua buka tan hau nia bin nain tolu nee, maibe la forsa ona, entaun ho akontesimentu nee, hau nia Maun naran Oktovianus Falo konsege hasai hau nia bin Jacinta Falo ho Matebian Luiza Falo, nunee hau nia pai rasik ho naran Andre Seko halai tun ba bee laran.konsege hasai Matebian Maria Falo.
Domingos Busan lakon nia oan feto husi nia alin rasik nia oan nomos nia feton rasik nia oan.
“Hau laran susar tebes ho akontesimentu ida nee, sira nain 4 mate loron ida deit, sente lakon hau nia riku soin, tanba sira nain 4 mesak hau nia oan rasik ho hau nia alin sira nia oan, ida nee ami uma laran lakon ami nia oan,” dehan nia ho triste.
Jornalista: Joseph Koa
Editor: Joseph Koa
