DILI, STLTIMORLESTE.com – Governu liu husi Ministru Komersiu Industria (MCI), Nino Perreira husu negosiantes sira atu labele manipula presu nesesidade baziku iha merkadu, iha ambitu selebrasaun loron natal no tinan foun.
Nino Perreira hatete, durante nee MCI liu husi Diresaun Regulasaun Komersial halao ona monitorizasaun no observasaun ba loja sira, no husu atu labele halimar presu sasan hodi prejudika komprador sira.
“Ida nee atividade rutinas neebe mak ita halo, ami tama sai hela iha loja distributor no retallos sira, no ita fo hanoin ba negosiante sira para labele manipula presu nesesidade baziku,” hatete MCI, Nino Perreira ba jornalista sira iha Aldeia Moris Foun, Komoro, Tersa (26/11/2024).
Governante nee hatutan, husu empreza sira tenki koopera ho ekipa monitorizasaun husi AIFAESA no Diresaun Regulasaun Komersial husi MCI nian.
(alb)
