DILI, STLTIMORLESTE.com – Estudante Departamentu Eletrisidade husi Eskola Sekundariu Tekniku Vokasional 28 de Novembru Bekora, laiha ekipamentu ba estudante sira hodi halao pratika.
Haktuir Diretor Eskola Sekundariu Tekniku Vokasional 28 de Novembru Bekora, Tomas Pinto ba jornalista STL iha nia knaar fatin Bekora, Sesta nee (02/05/2025).
“Ekipamentu pratika ba ita nian estudante sira, Segunda agora Sekretariu Estadu sei mai entrega makina arte grafika ida neebe mak atu halo sablon boot hanesan halo baner boot sira nee. Kona-ba komputador tuir informasaun neebe ami simu katak, iha fulan Setembru nia laran sira sei entrega, agora daudaun ami sei menus komputador, foin mak iha arte grafika ninia mak iha nee 30, informatika 16, elektronika 6, laboratoriu eletrisidade mamuk liu,” nia afirma.
Tomas hatutan, ba estudante departamentu eletrisidade sira nian laboratoriu mamuk, nee presiza ekipamentus boot no presiza komputador atu nunee estudantes sira halo programa, hafoin mai aplika iha fizika ninia, tanba eletrisidade nian komputador sei zero, elektronika mak 6, total estudantes iha tekvo 28 Novembru hamutuk 413 pesoas.
“Ami iha departamentu haat mak hanesan arte grafika, elektronika, eletrisidade no informatika, total profesores 51,” katak nia.
(jac)
