DILI, STLTIMORLESTE.com – Profesores 25 husi Eskola Sekundariu Jeral nu. 4 Setembru Balide simu ona karta husi Ministeriu Edukasaun (ME) liu husi Edukasaun Munisipiu Dili hodi ba hanorin iha eskola seluk, tanba sira nia naran laiha karga orariu iha eskola nee.
Haktuir Diretor Eskola Sekundariu Jeral nu. 4 Setembru Balide, Sergio A. da Cruz ba STL iha nia knaar fatin Balide, Sesta (24/01/2025).
“Resposta husi ME liu husi Edukasaun Munisipiu iha ona, tanba nee fo ona karta ba ita nian profesores nain 25 nee, para bele hanorin fali iha eskola neebe mak sei menus profesores. Nee duni ita nian profesores balu horseik ba foti ona sira nian karta iha Edukasaun Munisipiu Dili, balu ohin ba foti tan. Profesores sira nee prontu atu kontribui, nee duni sira ba hanorin fali iha eskola neebe menus profesores,” nia afirma.
Sergio hatutan, liu husi quadro pesoal durante nee identifika profesores 25 mak la hetan karga orariu, ho ida nee hanesan Diretor Eskola haruka naran profesores sira nee ba iha ministeriu liu husi Edukasaun Munisipal.
(jac)
