DILI, STLTIMORLESTE.com – Kada loron profesores tenke halo planu aula, bainhira laiha planu profesores labele tama hanorin estudantes iha sala.
Adjuntu Ensinu Baziku Sentral (EBC – sigla português) Manleuana, João dos Santos hatoo kestaun nee ba jornalista STL iha nia knaar fatin Manleuana, Tersa nee (15/07/2025).
“Kada loron ita sempre fo atensaun ba ita nian profesores sira, atu nunee sira bele prepara sira nian planu aula nee ho diak, maibe bainhira iha planu aula nee iha, sira tenke prienxe mos iha lista prezensa neebe ita prepara ona, maibe kuandu planu aula laiha nee labele tama hanorin estudantes sira iha aula. Depois loron-loron ami tenke tuir hela sira, liu-liu kontrola lista prezensa neebe iha, karik profesores mai tarde ou mai sedu nee sira tenke hakerek hotu iha lista prezensa nee,” nia dehan.
Joao dehan, lista prezensa nee mak bele halo kontrola diak liu tan profesores sira iha eskola, tanba nee sira mai tenke asina no prepara sira nian planu aula, tanba nee profesores idak-idak presiza prepara ida nee.
(jac)
