DILI, STLTIMORLESTE.com – Durante nee mosu liafuan presaun ba iha Komisaun Anti Korupsaun (KAK) nia servsiu, maibe konsidera presaun nee liu husi estetmentu deit, maibe la halo intervensaun direita ba servisu KAK nian.
“Presaun husi politiku no nain ulun sira hanesan sikote ida ba ami atu hamanas ami bele servisu diak liu tan, maibe presaun atu halo intervensaun ba iha prosesu la iha, so estetmentu deit,” dehan Komisariu KAK, Rui Pereira ba jornalista sira iha Farol, Kuarta (21/01/2026).
Nia hatutan, sosiedads sivil sira mos halo presaun dehan KAK tinan naruk ona seidauk lori ema ba iha komarka, maibe KAK nia servisu, laos loron loron fo sai kona-ba prosesu neebe sira kaer, maibe too tempu ida husu publiku kestiona, KAK mos bele loke odamatan hodi fo sai.
Nia esplika, KAK iha servisu rua investigasaun kriminal no prevensaun, halo mos prevensaun tanba aktu sira neebe liga ho korupsaun tenke partilha informasaun atu halo prevensaun, tanba nee informasaun rohan hanesan buska sira tenke fo sai, se lae ema dehan KAK taka dalan ba media labele halo kobertura.
Hatan kona-ba PJR nia deklarasaun, Komisariu dehan PJR nia deklarasaun atu fo hanoin parte investigasaun sira atu servisu ho rigor no kuidadu.
(ter)
