DILI, STLTIMORLESTE.com – Prezidente Parlamentu Nasional (PPN), Maria Fernanda Lay relata programa prioridade PN 2025 ba Prezidente Republika, Jose Ramos Horta.
Bainhira remata hasoru malu, Prezidente Parlamentu Nasional Maria Fernanda Lay ba jornalista sira iha Palasiu Prezidensial Nicolao Lobato, Bairo Pite, Dili, Sesta nee (17/01/2025) hatete, ohin aproveita oportunidade mai komprimenta Prezidente Republika, tanba atividade lubuk ida iha fim do ano laiha oportunidade atu hetan Prezidente, no ohin mai atu relata atividade neebe PN halo iha 2025.
“2025 ami tenke tau iha prioridade para kompleta ita nia preparasaun ita nia adezaun ba OMK, nee mak hau mai hatoo progresu sira no difikuldade sira neebe iha, hanesan orgaun estadu para hodi hamutuk hanoin saida mak halo ba oin hodi halo lalais liu preparativu ita nia,” dehan PPN.
Nia dehan, iha 2025 PN sei tau prioridade ba lei enkuadramentu.
“Lei enkuadramentu iha ona prosesu, konta jeral mos lao hela, liga ho 2023 lei enkuadramentu ita tenke aprova antes, parlamentu aprova antes Maiu bele regula prosesu jestaun finanseiru neebe altera tiha 2022 nee para repoin neebe mak artigu inkonstitusional ita hadia tiha para lei nee bele promulga fila fali no bele valida fila fali hanesan baze ba ita nia sistema finanseiru,” katak nia.
(eme)
