DILI, STLTIMORLESTE.com – Assesor Prinsipal Assuntu Politika Prezidensia Republika, Jeneral (REF.) Lere Anan Timur nuudar Laute oan sente orgulhu bainhira Governu inaugura sistema irigasun iha Laivai.
Tuir komunikadu neebe STL asesu husi media Prezidensia Republika, Tersa (13/01/2026) hatete, Assesor Prinsipal Assuntu polítika Prezidensia Republika, Jeneral (REF.) Lere Anan Timur nuudar Laute oan sente orgullu bainhira nunu Governu konsitusional neebe lidera husi Primeiru Ministru Kay Rala Xanana Gusmão inaugura sistema irigasun iha Laivai.
Assesor Prinsipal Assuntu polítika Prezidensia Republika, Jeneral hatoo sentimentu kontente nee partisipa iha serimonia inagurasaun ba sistema irrigasaun iha Laivai, neebe prezide husi Primeiru Ministru Kay Rala Xanana Gusmão, iha Munisípiu Lautem.
Nuudar Lautem-oan, Lere Anan Timur orgullu ho servisu neebe dezenvolve husi Governu, neebe sei permite harii futuru ida diak ba agrikultor sira iha area Laivai.
“Sistema irigasaun foun sei oferese bee ba natar hektares kuaze 500, iha suku Euquisi, kontribui signifikativamente ba aumentu produsaun agríkola lokal,” dehan Lere Anan Timur.
Nia hatete, natar Laivai abandona tanba menus bee durante tinan 15-resin. Projetu nee lansa iha fulan-dezembru 2022, liu ambitu Governu Konstitusional da-VIII, neebe lidera husi Primeiru-Ministru, Taur Matan Ruak, no ofisialmente inaugura husi Primeiru-Ministru Governu Konstitusional da-IX, Kay Rala Xanana Gusmão.
Ba Populasaun benefisiariu no autoriedade lokal, Primeiru Ministru Kay Rala Xanana Gusmão sublina katak, konstrusaun sistema Irrigasaun nee, obrigasaun Governu sentral. Entantu husu atu autoriedade lokal mobiliza populasaun hodi kuidadu no utiliza bee husi irrigasaun refere, liu husi promove atividade egríkola hodi hadia populasaun nian moris.
Primeiru Ministru, Kay Rala Xanana Gusmão afirma mos katak, Governu sei kontinua kompromete atu hadia sistema agrikultura liu-liu konstrui irrigasaun infraestrutura ho objetivu atu hamenus fos importadu sira no haforsa seguransa alimentar iha Timor Leste.
Sistema irrigasaun Laivai nee konstrui husi empreza Xineza ho naran CICO ho investimentu total US$ 9,361,964.36, neebe hahu halao konstrusaun durante tinan 3 nia laran.
(eme)
