DILI, STLTIMORLESTE.com – Jeneral Reformado Lere Anan Timur hatete, ukun nain atu liberta povu husi kiak no mukit, primeiru tenke kombate uluk korupsaun neebe oras nee buras iha rai laran.
Jeneral Reformado Lere Anan Timur hatoo kestaun nee ba Jornalista bainhira partisipa konferensia iha salaun CCF Komoro, Kinta (11/09/2025).
Nia hatete, Papel FRETILIN luta ba libertasaun nasional mak liberta patria no liberta povu, ohin loron patria liberta ona falta liberta povu husi kiak no mukit.
“Atu liberta ita nia povu husi kiak no mukit premeiru ba hau dehan presiza kombate korupsaun, kuandu halakon korupsaun ita bele dehan liberta ona povu husi kiak no mukit. Agora ita tau kestaun establidade, establidade Timor iha, dala ruma ita preokupa ho arte marseais. Mais arte marseias laos ameasa boot ba establidade Timor nia, ameasa boot ba establidade Timor mak kestaun politika,” dehan Lere.
Nia katak, ohin loron mosu polemika iha Parlamentu Nasional atu sosa kareta no la sosa kareta, ida nee asuntu ida neebe sensivel tanba Indonezia loke ona dalan sunu uma, sunu kareta, baku seguransa, baku polisia no oho polisia.
“Hau agora rakyat ona hau mak kaer forsa, ema ida labaku forsa, tanba interese nasional ema ida labaku. Tanba nee mak hau dehan kestaun politika mak importante liu, kestaun politika mak kombate korupsaun nee, porkue ohin loron ema riku matak, tanba saida mak kria diskusaun buat sira nee tanba buat sira nee, balun neebe uluk lakohi ukun aan agora sai riku moris diak sai doutor hotu sira neebe uluk terus ba rai ida nee kuitadu,” katak Lere.
Eis Komandante F-FDTL nee hatete, se Veteranus rin ba nasaun nain ba uku naan serake veteranus nia oan sira nee aban bainrua sai nain nafatin ka lae, sai rin nafatin kalae, tanba nee jerasaun Patriota mak tenke serbisu makaas.
Jornalista: Emerenciana
Editora: Domingas Gomes
