DILI, STLTIMORLESTE.com – Lideransa eskola hanesan Diretor no Adjuntu husi Eskola Baziku Sentral (EBC – sigla português) Manleuana, partisipa iha formasaun kona-ba jestaun administrasaun eskolar durante semana ida.
Haktuir Diretor EBC Manleuana, Carlos Correia ba STL iha nia knaar fatin Manleuana, Kinta nee (27/02/2025).
“Agora daudaun ami tuir hela formasaun kona-ba lideransa ninia, nee mak agora diretor eskola no adjuntu ami tuir formasaun kona-ba jestaun administrasaun eskolar ninia, ami tuir formasaun nee hahu iha loron Segunda foin daudaun nee no sei remata iha loron Sabadu hotu, formasaun nee husi INFORDEPE ho Ministeriu Edukasaun mak fo mai ami,” dehan Carlos.
Carlos dehan, lideransa hirak neebe mak partisipa iha formasaun nee mak hanesan Diretor Eskola, Adjuntu no Koordenador Ensinu Baziku Filial sira mak tuir formasaun ida nee, GAT sira la tuir ida.
Nunee mos Adjuntu Diretor Eskola Hotelaria no Turizmu Bekora, Charles F. Guterres hatete, agora daudaun sira partisia iha formasaun lideransa ninia, tanba formasaun ida nee sei remata iha loron Sabadu.
“Agora daudaun ami tuir hela formasaun lideransa ninia kona-ba jestaun administrasaun nian, ami hahu halao formasaun ida nee dezde iha loron Segunda nee no sei remata iha loron Sabadu,” nia esplika.
(jac)
