DILI, STLTIMORLESTE.com – Prokuradora Lidia Soares hetan konfiansa husi Konselhu Superior Ministeriu Publiku (KSMP), hodi asumi knaar hanesan Koordenador Prokuradoria Primera Instansia Dili.
“Agradese ba konfiansa neebe Konselu Superior Ministeriu Publiku, Prokurador Jeral da Republika, Adjuntu Prokurador Jeral Republika neebe deside hodi fo knar ida hanesan Koordenador Prokuradoria Primera Instansia Dili,” dehan Lidia iha nia intervensaun iha Edefisiu PJR, Dili, Segunda (22/09/2025).
Nia hatutan, objetivu hanesan Koordenador iha Prokuradoria Primera Insransia atu dirizi kordena fiskaliza atividade sira neebe iha Prokuradoria Primera Instansia Dili, asegura reprezentante Ministeriu Publiku (MP) iha Tribunal Primera Instansia Dili, monitoriza prosesual neebe maka pendente ho tempu neebe konsideradu eksesivu, akompana presekuasaun prosesu sira ho objetividade elabora relatoriu fo ba iha Prokurador Jeral Republika.
No halao mos movimentasaun servisu tuir movimentasaun Majistradu sira nian, inklui knaar sira seluk neebe estatutu MP atribui hela ba Kordenador, Prokurador Jeral Republika no bazeia mos ba ordem sira husi hirarkia MP nian.
Maibe atu atinje objetivu sira neebe iha, konta ho parte sira neebe servisu iha MP hodi tau forsa hanoin hamutuk forma ideia ida ho disiplina, atu nunee bele fo justisa ida neebe lais no loos ba ema sira neebe buka justisa.
Jornalista: Terezinha De Deus
Editora: Carme Ximenes
