DILI, STLTIMORLESTE.com – Mohamed Salah konsege kria rekordu istoriku depois de Liverpool garante titulu kampiaun Liga Ingles (English Premier League) 2024/2025 iha Domingu (27/4/2025).
Liverpool konsege foti titulu Premier League depois halakon Tottenham Hotspur ho skor 5-1 iha Estadiu Anfield. Mo Salah kontribui gol ida ba vitoria The Reds.
Total 185 gol Salah kria iha Premier League.
Nia naran agora rejistadu hanesan jogador estranjeiru ho gol barak liu iha istoria kompetisaun futebol kasta aas liu iha Ingles.
Mo Salah ultrapasa rekordu Sergio Aguero neebe kria 184 gol iha Liga Ingles ho Manchester City.
Antes nee, Aguero ultrapasa rekordu 175 gol husi lenda Arsenal, Thierry Henry.
Ho jogu haat tan, Salah bele hasae rekordu hanesan jogador estranjeiru neebe marka gol barak liu iha Liga Ingles ho Liverpool.
(cnn/ces)
