DILI, STLTIMORLESTE.com – Bankada FRETILIN iha uma fukun Parlamentu Nasional (PN) preokupa ho kapasidade Autoridade Munisipiu Dili atu halo jestaun ba lixu, tanba besik ona atu simu natal no tinan foun, maibe lixu kontinua soe namkari iha kapital Dili.
“Ita besik epoka selebra festa natal nee lixu barak liu no ho udan tan, Autoridade Munisipiu Dili presiza reforsa liu tan servisu sira atu rekolha lixu iha dalan sira nee para sidade bele moos nafatin,” hatete Deputada Bankada FRETILIN, Nurima Ribeiro Alkatiri iha resintu PN, Segunda (16/12/2024).
Deputada Nurima hatutan, lisu kada loron iha kapital hahu aumenta ba beibeik, tanba nee nia husu Autoridade Munisipiu Dili atu halo jestaun neebe mak diak oinsa bele rezolve lixu nee.
Tanba foin lalais nee iha fulan Setembru, Governu ho Autoridade Munispiu Dili servisu hamutuk hodi hamoos lixu iha kapital Dili hodi simu vizita Sua Santidade iha Timor Leste.
Iha fatin hanesan, Prezidente Komisaun F neebe trata Asuntu Saude Seguransa Sosial no Igualidade Jeneru, Deputada Maria Bareto hatete, governu liu husi Autoridade Munisipiu Dili prepara ona fatin lixu atu soe foer iha laran, maibe komunidade sira mak seidauk iha konsiensia atu soe lixu iha fatin.
(alb)
