DILI, STLTIMORLESTE.com – Deputadu Bankada KHUNTO, Luis Roberto husu ba Universidade sira iha Timor Leste atu loke Departamentu Douramentu tenke prienxe kriteria neebe iha.
Nia dehan, iha universidade balu atu loke tan Douramentu, liu-liu ba direitu, maski koalia katak língua importante.
“Hau atu husu universidade neebe hetan akreditasaun nuudar kualidade, maibe agora sira atu loke tan Douramentu nee fo ona lisensa no fo ona ka lae no haree kriteria atu bele loke Douramentu”, husu Deputadu Luis Roberto, iha debate proposta OJE 2025, iha PN, Sesta (15/11/2024).
Deputadu nee hatutan, kona-ba lei baze ensinu superior nian neebe atu hanorin Lisensiadu tenke Mestradu, nee regras lao hela, apresia ba servisu MESSK. Maibe haree ba kriteria atu loke tan Douramentu nee oinsa.
Entretantu Ministru Ensinu Superior Siensia no Kultura (MESSK), José Honorio hatan, “Hau taka tiha Doutoramentu 2 iha universidade 2, hanesan UNPAZ nian ida, DIT ida, ho razaun la prienxe kriteria”, katak Honorio.
Governante nee fo ezemplu iha rai seluk bainhira ba vizita Portugal, hasoru nia omologu Portugal hatete, iha Portugal bainhira loke departamentu doutoramentu ida tenke presiza doutoramentu nee nain 10, nunee iha mos profesores asosiadu, profesores ba peskiza, nain 2.
“Desizaun neebe hau foti, taka departamentu Doutoramentu iha DIT ho UNPAZ, agora sira hatama ulan fali”, tenik nia.
Tuir nia, kona-ba avaliasaun ANAAA hodi haree dadus sira, nunee tenke barani halo buat ruma, maske hasoru dezafiu.
Enkuantu kona-ba Lian Português nee Timor nia língua duni, tanba hatete iha Konstituisaun latak, Língua Nasional mak Tetun ho Portugues. Tanba nee profesor sira tenke hatene.
(gui)
