DILI, STLTIMORLESTE.com – Governu bele loke kampu trabalhu iha rai laran, hodi nunee bele fo servisu ba graduadus sira neebe remata ona sira nian estudu.
Reitor Dili Institute Of Technology (DIT), Salustiano dos Reis Piedade dehan, husu ba governu para bele loke kampu de traballu, tanba nasaun Timor Leste agora dadaun seguransa no buat hotu lao diak.
“Primeiru ita husu ba governu para bele loke kampu de traballu, tanba ita nian nasaun agora dadaun nee ita nian seguransa no buat hotu lao diak, no nasaun Timor servisu ho nasaun sira seluk, liu-liu lori investor sira mai Timor para bele loke kampu de traballu. Alende ita Timor rasik mos tenke loke kampu traballu, para hodi bele fo servisu ba ita nian graduadus sira,” afirma Reitor DIT, Salustiano dos Reis Piedade ba STL, Segunda (15/09/2025).
Nia reforsa, realidade kondisaun ekonomi iha TL, dala ruma hakarak dehan, joven sira estuda makas para loke kampu trabalhu. Nee duni espera katak, governu bele tulun atu nunee loke kampu trabalhu ba graduadus sira bele iha oportunidade ba servisu.
Iha fatin seluk, Diretor Ezekutivu TLCE, Jose Monteiro dehan, los duni too agora graduadus barak mak seidauk hetan servisu no balun ba servisu iha rai liur, tanba iha rai laran nee menus kampu servisu. Ho kampu servisu neebe maka menus, halo graduadus barak sai ba servisu iha rai liur.
Jornalista: Jacinta Sequeira
Editora: Domingas Gomes
