DILI, STLTIMORLESTE.com – Instituto Superior Cristal (ISC) seidauk iha planu hatama pedidu foun, hodi loke ramo iha munisipiu seluk.
Lia hirak nee hatoo husi Reitor Instituto Superior Cristal, Sebastiao Perreira ba STL iha nia knaar fatin Balide, Kuarta nee (06/11/2024).
“Ami nian atividades prosesu ensinu aprendizajen iha ramo munisipiu tolu nee lao diak hela hanesan baibain, no ami nian estudantes finalista iha ramo sira sei ezame hela, nee duni too agora ami seidauk haruka lista finalista neebe mak atu halo graduasaun ba tinan nee, ami seidaik haruka ba iha MESSK,” afirma Sebastião.
Sebastião hatutan, ISC nian klase ramo tolu nee mak hanesan Manufahi, Baukau no Aileu, ramo tolu nee mak daudaun nee ninia atividades aprendizajen lao diak hanesan baibain, seidauk iha hanoin atu halo pedidu foun ba MESSK.
(jac)
