DILI, STLTIMORLESTE.com – Veteranu Costantino Ximenes “Nehek Metan” hatete, agora loron 20 ona mais osan veteranu seidauk simu, tanba loron baibain nee hahu husi loron 18 nee osan Banku Nasional Komersiu Timor Leste (BNCTL) pagamentu ona, agora tarde liu.
“Agora loron 20 tan ona, mais ami nia osan veteranu nian nee BNCTL halo pagamentu tarde liu,” hatete Costantino Ximenes “Nehek Metan” ba STL iha edifisiu BNCTL Kaikoli, Dili, Kinta (20/03/2025).
Nia dehan, veteranu sira nia osan seidauk tama iha konta bankaria, tanba nee husu ba BNCTL pagamentu ho lo-loos, tanba too agora osan veteranu seidauk iha.
“Baibain dia 18 nee osan veteranu tama ona iha idak-idak nian konta bankaria, agora dia 20 ona maibe osan seidauk tama, tanba saida mak pagamentu tarde liu hanesan nee, ita persiza osan hodi han hemu,” nia deklara.
Iha fatin hanesan, oan Veteranu Alberico da Costa informa, baibain nee osan veteranu nunka mais tarde hanesan nee, maibe fulan Marsu nee osan seidauk transfere ba konta bankaria.
(jen)
