DILI, STLTIMORLESTE.com – Jogu Desportivu Comunidade dos Países de Língua Portuguesa (CPLP) iha modalidade voli praia mane iha loron daruak nian, neebe mak halao iha kampu Lecidere Dili, ekipa mane Praia Timor Leste (TL) sai manan nain hafoin hasoru ekipa Angola ho skor 21 : 17.
Jogu modalidade ekipa mane praia TL hasoru ekipa Angola hahu husi tuku 09:00 dader, iha inisiu jogu ekipa modalidade Mane praia TL no ekipa husi Angola hatudu sira nia forsa hodi ataka malu durante iha jogu nee.
Durante iha jogu nee set dahuluk TL ho point 21 no Angola point 19. Depois iha set daruak TL halakon ekipa Angola ho point 21 no ekipa Angola iha deit 17, ho nunee TL mak sai manan iha set rua tuir-tuir malu ho 21 : 17.
Nunee Jogador TL, Felizberto Faria espresa sentimentu kontente tanba bele manan ekipa Angola, nunee esperansa ba oin sei joga diak liu tan hodi manan tan ekipa tuir mai.
“Kontente tebes tanba bele halakon ekipa husi Angola hodi bele tama ba semi final, espera katak jogu tuir mai ami bele manan nafatin hodi bele hetan medalha,” katak nia.
Nia dehan, presiza treinu masimu nunee ba oin bele ganha tan iha semifinal, nunee bele hadia liu tan jogu voli praia tuir mai nee tanba sei iha falhansu neebe enfrenta mak iha servis no simu bola, ida nee tenke iha mentalidade neebe diak, tanba ita foin tuir jogu desportivu hanesan buat foun mai ita.
Treinador atleta mane, Felisano da Costa Soares dehan, liu husi jogu ida pasu ba ita hodi hakat ba oin, neebe ho esperansa katak ami tenke hatudu buat neebe diak no importante mak hatudu disiplina iha kampu”, nia hakotu.
(EST 1)
